आमाको हात

 


“आमाको हात”

यी हातले मलाई मात्र हुर्काएन,

म समेटिएका सपनाहरु

म जन्मिँदा रोपेका 

रुख बिरुवा 

खर्यानको सुन्टटलो 

हर्रो,बर्रो,बडहर 

धुपी र लालुपाते हुर्कायो !!


गोठभरीका  गाईबस्तु 

घारभरिको  मौरी 

बगैंचाको आरु,नासपाती, 

लिची, कागती 

पाटाभरिका मकै 

ग़ैरी खेतको  धान हुर्कायो 

लेकको कोदो / फापर 

तरुल,पिडालु,सकरखण्ड हुर्कायो !!


म हुर्केर, मैले 

आफ्ना सन्तान

हुर्काउँदै छु ||

आमा बूढीएर,

मेरो सहारा खोज्दैछिन् 

म मेरा नानीलाई सहारा दिंदैछु ||


आमा भन्छिन् …

म डाँडापारीको घाम भएँ नानी 

आऊ न, धेरै भयो तिमी न आएको 

म भन्छु…

अस्ति भर्खर त आकी थिएँ 

यति छिटोछिटो, कहाँ आउन मिल्छ र ?

आमाले पर्खंदै  गर्ने 

मैले पर्खाउँदै गर्ने 

यहि शिलशिलाको नाम 

जीन्दगी रहेछ |

-आमा 🙏😇 🖊️SIRJANA THAPA “SIRU”

Comments

Post a Comment

Popular posts from this blog

"लालपाटी" र फागुपुर्णिमा 🙏

Image
फागु खेलन हो, फागु खेलन........बाह्रै बजारैमा होली खेलन। यसो भन्दै ठूला बडाले गीत गाउने नाच्ने गर्नुहुन्थ्यो। हामी पनि रमाउँथ्यौं। पाल्पाको अन्नभण्डार माडीफाँट  र त्यसैको बिचोबिच रहेको "लालपाटी " मा बर्सेनि फागुपुर्णिमाको दिन  आयोजना हुने सभ्य र भब्य फागु मनैभरी झल्झली सम्झना आएको छ।  नाम नै "लालपाटी" फागु पुर्णिमाको रङ्गले त्यो ठाउं नै रातै रातै हुन्थ्यो। मान्छे त थरि थरिका रंगले पोतिएर आफ्नो /पराइ चिन्नै नसकिने। ढेंडुको जस्तो मुख पो पार्थे त। ...... मानिसहरुले  लेक लेकबाट आ आफ्ना उत्पादन कसैले  उँखुका भारी भारी झार्दथे।  कोहि लेकको कोदो/ फापर बेच्न ल्याउँथे। कोहि ल्याउँथे हातले  बुनेका बाँसका सुन्दर ढकिया, नाङ्गला , डाला , डोका।  कोहि आउँथे लेकको सागपात खाएर राता शीर बनाएका लोकल भाले बेच्न। यसरि लालपाटी वर्षको एकपटक खुसीको रंगमा लाल लाल हुन्थ्यो। धेरै समयसम्म नभेटिएका भाई/ साथी भेट्न पाइन्थ्यो।  जीविकोपार्जनका लागि किनबेच हुन्थ्यो।  भावना साटासाट हुन्थे। उमेर र समय संगसंगै जहाँ जहाँ पुगेर जसरी जसरि जीवन बाँचेपनि खासगरी चाडबाड...
Read more

हिडौं साथी देश देख्न ..... नबसौं मनलाई रोकी

Image
ठूलालाई सम्मान मेरो,सानालाई माया  साथीभाई प्यारा मेरा, सधै दायाँबायाँ।  अन्नपूर्ण माछापुछ्रे हेरी फर्की आएँ प्रकृतिप्रति धन्य भएँ, यसरी  वर्णन लाएँ।  पोखराबाट झिनु पुग्नु, छोम्रोङ्गमा खाना खानु  खर्चालु धेरै नबन्नु १५ हजार लैजानु।  आफुले सक्ने गर्नुपर्छ, देखावटी बन्ने होइन  दु;ख एक्लै काट्नुपर्छ, कोहिले कठै भन्ने होइन।  पहिलो दिन बस्नु अपर सिनुवा, दोस्रो दिन देउराली  कहिले छन् सम्म  बाटा, कहिले उकाली ओराली।  डाँडाकाँडा वनजंगल खोलाको छङ्गछङ्ग आवाज  सबै कुरो भुलेर रमाऔं प्रकृति माझ।  बराह्थान मन्दिरको दर्शन गरि जाऔँ  अन्नपूर्ण माछापुछ्रे अलौकिक रहेछ ठाउं।  थकाई मार्दै गएपनि रमाइलो एमविसी पुगिन्छ  तेस्रो दिनको बास बस्न एविसी नै ठीक हुन्छ।  भोलि बिहानको सुर्योदय हेर्न उठ्नु है जाँगर गरेर  जम्मा ५ दिनमा ट्रेक  सकिन्छ फेरी पोखरा झरेर।  प्रकृतिको वरदान कति राम्रो देश हाम्रो  सधै एकै ठाउं कति बस्नु कहिले त घुम्नुफिर्नु राम्रो।  बोतल /लौरो/ जुत्ता /कपडा चाहिने सामान बोकी  हिडौं साथी...
Read more

बाल्यकालको दशैँ

Image
  पारिवारिक मिलन , हर्ष र उमङ्गको चाड बडादशैं । बडादशैंको पावन अवसरमा सबै नेपालीजनमा हार्दिक शुभकामना। वर्षा सकिएर प्रकृति खुलेकी छन्। स्कूल बिदा भएपछी बालबच्चा   उस्तै फुरुंग देखिन्छन्। कामले, पढाईले टाढिएकाहरु पर्व मान्न आ आफ्नै ठाउँथलो फर्केका छन् । लिपपोतले सिंगारिएका घरहरु सादा पान्नामा कोरिएको रंगिन चित्रजस्ता देखिन्छन् । टारीखेत र गैह्री खेतमा धानका बाला हल्का झुकेर पाहुनाको स्वागत गरे जस्तै भान हुन्छ । घरबाट टाढा बसेका सन्तानलाई अंगाल्न आमा आत्तिए जस्तै अटल अनि हरिया बनपाखाहरु आफ्नो अनुपम सुन्दरता देखाउन हतारिए झैं प्रतित हुन्छ  ।  केटकेटिहरु बिहान सबेरैदेखि   बेलुका अंधेरैसम्म पिङमै झुण्डेका देख्न सकिन्छ । किताबका पान्ना पल्टाउनु र होमवर्क सक्काउनुको तनाब जो छैन । आकाशमा चरा उडेसरि उडेका चंगा छन्। लट्टाई समाएका भुराभुरी चंगातिरै हेरेर दङ्ग छन्। अझ बाजी पो थाप्दै छन् त तेरो चंगा माथिसम्म पुग्ने कि, मेरो भनेर । छुट्टी मिलेका लाहुरे फर्केका छन् परिवारका लागि   खुशी   बोकेर । नमिल्नेले   अर्को दशैंमा छुट्टी आउ...
Read more